26 октября 2016 г.
26 октября 2016 г.
Кăçалхи 9 уйăхра районти ялхуçалăх предприятийĕсенче ĕçлекенсен пĕр уйăхри вăтам ĕç укçи 16052 тенкĕпе танлашнă, иртнĕ çулхи çак вăхăтрипе танлаштарсан вăл 1966 тенкĕ е 14 процент ытларах пулнă.
Чи пысăк ĕç укçи - 19005 тенкĕ - «Комбайн» ЯХПКра. Ялхуçалăх производство кооперативĕнче, иртнĕ çулхи 9 уйăхрипе танлаштарсан, ĕçлекен пĕр çыннăн пĕр уйăхри вăтам шалăвĕ 4440 тенкĕ е 30 процент ÿснĕ.
Отчетлă тапхăрта «Победа» ОООра тăрăшакан кашни ĕçченĕн пĕр уйăхри вăтам шалăвĕ 17320 тенкĕпе, «Рассвет» ЯХПКра – 16998 тенкĕпе танлашнă.
Шел пулин те, хальлĕхе чи пĕчĕк ĕç укçи илекенсем - «Кушка» ЯХПКра ĕçлекенсем. Кунта вăй хуракан кашни çын пĕр уйăхра вăтамран 13605 тенкĕ анчах алла илейнĕ.